ہارون سعد بلند پایہ صحافی اور اعلیٰ انتظامی صلاحیتوں کے مالک تھے
فری لانس جرنلسٹس ایسوسی ایشن کے تعزیتی اجلاس میں مقررین کا مرحوم کو خراجِ عقیدت
لاہور (پ ر): آزاد صحافیوں کی تنظیم پاکستان فری لانس جرنلسٹس ایسوسی ایشن کے ایک تعزیتی اجلاس میں روزنامہ امروز کے سابق چیف ایگزیکٹو محمد ہارون سعد کے انتقال پر گہرے غم، دکھ اور افسوس کا اظہار کیا گیا۔ تعزیتی اجلاس میں مرحوم کی صحافت کے لیے چالیس سالہ خدمات پر انہیں شاندار الفاظ میں خراجِ عقیدت پیش کیا گیا۔
مقررین میں فضل الرحمن نعیم، اقبال یوسفی، ظفر علی راجہ، شکیل صدیقی، شوکت اللہ اور اختر حیات شامل تھے انہوں نے کہا کہ ہارون سعد نہ صرف ایک کامیاب صحافی تھے بلکہ انہوں نے انتظامی امور میں بھی اپنی صلاحیتوں کا لوہا منوایا۔
